21.11.2022 Скопје
Министерот за надворешни работи Бујар Османи, денес, го прими новоименуваниот шеф на Мисијата на ОБСЕ во Скопје, Амбасадор Килиан Вахл.
Османи изрази задоволство од назначувањете на Амбасадор Вахл за шеф на Мисијата на ОБСЕ, како експерт со практично искуство во прашањата за Југоисточна Европа и Западен Балкан, воедно, нагласи и дека го цениме фактот што доаѓа од Германија, земја постојан поддржувач на Република Северна Македонија и истакнат геополитички актер и важна земја-учесничка на ОБСЕ.
Како што соопштуваат од Министерството за надворешни работи, соговорниците се осврнаа на претстојното претседавање на Република Северна Македонија со ОБСЕ 2023, при што Амбасадорот Вахл упати отворена поддршка во текот на претседавањето, особено истакнувајќи дека претседавањето со ОБСЕ во 2023 година ќе биде тешка и предизвикувачка задача, пред се поради отворената агресија на земја-учесничка и другите актуелни случувања во регионот на ОБСЕ.
Исто така, на средбата Османи истакна дека наша цел е засилен допир и интеракција со теренските мисии на ОБСЕ, со цел воспоставување синергија помеѓу приоритетите на Претседавањето и оние на теренските мисии.
Подготвено од А.Ѓ.
About Author
