28.11.2022 Скопје
Во текот на вчерашниот ден, Словенија на референдум усвои закон со цел да се спречат политичките назначувања во јавната телевизија, откако медиумската клима во земјата се влоши за време на претходниот премиер Јанез Јанша.
Според резултатите кои ги објави Изборната комисија, повеќе од 62 отсто од гласачите дале согласност законот да стапи во сила на почетокот на 2023 година.
Здружението „Медиумска организација на Југоисточна Европа“ го поздрави амандманот, кој има за цел да ја „заштити уредувачката независност“ на каналот РТВ Словенија од „политичко и сигурно уништување“.
Јанез Јанша, консервативниот лидер кој беше на власт од 2020 до 2022 година, ги засили нападите врз медиумите, обвинувајќи ги за пристрасност и ги смени повеќето функционери на РТВ и назначи роднини.
Оттогаш, телевизијата беше потресена од неколку протести против преориентација на програмата и притисок врз новинарите, додека Словенија падна од 54-то на 36-то место на најновото рангирање на невладината организација Репортери без граници (РСФ).
Според текстот, владата и парламентот нема да имаат право да назначуваат функционери, а телевизијата ќе биде ставена под надзор на граѓански групи.
Подготвено од А.Ѓ.
About Author
