12.11.2022 Скопје
Со почеток во 11:00 часот, на просторот пред езерцето во Градски парк Скопје, ќе се одржи голем настан „Вкуси ја традицијата – Прв национален саем за храна и пијалоци“.
Настанот е во организација на Министерството за земјоделство, шумарство и водостопанство и Слоу Фуд Македонија, а ќе се одржи под мотото „Taste life, taste tradition“ односно Вкуси го животот, вкуси ја традицијата“.
Во Република Северна Македонија, ова е прв саем со ваков обем, на кој ќе се претстават повеќе од 200 производители од над 40 локални здруженија, кои заеднички ќе ги презентираат македонското земјоделство и гастрономија.
На просторот во Градски парк, ќе бидат поставени над 200 штандови со разни производи, ќе се подготвува и вкусна и традиционална храна од познати готвачи, а ќе има и детско катче кое е наменето за најмалите и таму ќе можат одблизу да се запознаат со домашните земјоделски култури.
Секако предвидена е и музичка забава со групата Љубојна и Ди Џеј Мац, и посетителите ќе можат освен во вкусовите на домашната храна и пијалоци да уживаат и во звуците на музиката.
Саемот „Вкуси ја традицијата – Прв национален саем за храна и пијалоци“ ќе биде отворен денес во периодот од 11-16 часот, и за сите посетители, влезот ќе биде бесплатен.
Подготвено од М.Н.
About Author
