24.11.2022 Скопје
Србија официјално има до 2,7 милиони свињи, а сточарите проценуваат дека има помалку од два милиони.
Србија годишно не произведува доволно свинско месо за да ги покрие домашните потреби, а и недостигаат околу десет отсто, поради што е принудена да ги увезува тие количини.
Годишно, според податоците на Стопанската комора на Србија, се произведуваат 496.000 тони од сите видови, околу 300.000 тони свинско месо, 78.000 тони говедско и 118.000 тони живина. Во првите девет месеци од годинава увезени се 31.000 тони свинско месо во вредност од 76,8 милиони евра.
Истовремено, извезени се 3.500 тони говедско и само 550 тони свинско, додека извозот на преработки е околу 3.800 тони. Месото најмногу се увезува од Шпанија, Унгарија, Германија и Данска, додека најголем дел од извозот е во земјите од ЦЕФТА регионот.
Според проценките, во првиот квартал од 2022 година производството на свинско месо во Србија ќе забележи драматичен пад и тоа дури 48,2 отсто помалку во споредба со истиот период минатата година.
Подготвено од А.Ѓ.
About Author
