10.11.2022 Скопје
Од страна на аукциската куќа „Сотби“, продаден е болидот на Ферари „F2003-GA“, со кој Михаел Шумахер, ја освои својата шеста светска титула во Формула 1, за рекордна сума од 14,8 милиони долари.
Во 2003 година, Шумахер постигна шест победи во сезоната и заработи два бода повеќе од неговиот главен ривал, откако ја освои титулата по тешка борба со Кими Раиконен од Мекларен, и Хуан Пабло Монтоја од Вилијамс.
Шасијата ставена на аукција беше искористена на трки 9 пати, вклучително и Јапонското Гран при, каде што Мајкл Шумахер ја освои титулата и го надмина рекордот на Хуан Мануел Фанџо, по бројот на освоени шампионски титули.
Првично цената за продажба на „F2003-GA“ требала да биде 9,3 милиони долари, но по 40 минути оваа понуда драстично се зголемила.
Претходниот рекорд за продажба на автомобил Ф-1 беше поставен пред пет години, кога Ферари „Ф2001“ достигна вредност 7,5 милиони долари, но најскапиот автомобил во светот сепак останува „Mercedes-Benz 300 SLR Uhlenhaut Coupe“, кој е направен во 1955 година, и тоа само во два примерока.
Подготвено од М.Н.
About Author
