01.11.2022 Скопје
По барањето од Италија сега и Украинската фудбалска асоцијација (УАФ) побара од ФИФА да донесе одлука со која Иран ќе се исклучи од турнирот во Катар.
Украинските фудбалски претставници најавија дека ќе потпишуваат петиција и формално ќе ја поднесат до ФИФА, и упатуваат обвинување до Техеран за системско кршење на човековите права и помагање на руската воена агресија против Украина.
Киев и Западот го обвинија Иран дека и доставувал проектили и беспилотни летала на Русија за инвазија над Украина но Техеран и Москва ги негираат овие изјави. Иран ќе биде меѓу 32-те нации што ќе се натпреварува на Светското првенство во Катар 2022 година, кое ќе се одржи од 20 ноември до 18 декември.
Сергеј Пелкин, кој е извршен директор на еден од најголемите клубови во Украина, Шахтар Доњецк, изјави дека Иран треба да биде исфрлен од Светското првенство и да биде заменет со Украина, која не успеа да се квалификува по поразот во финалето на плејофот во Велс во јуни.
Украинската фудбалска асоцијација соопшти и дека ќе поднесе жалба до ФИФА и УЕФА, за да и биде одземено членството на Руската фудбалска унија од двете организации.
Подготвено од М.Н.
About Author
