18.11.2022 Скопје
Откажана е наставата за повеќе од 32.000 ученици, поради снежната бура која завеа западни делови од американската сојузна држава Њујорк, вклучувајќи го и градот Бафало.
За време на викендот се очекува да падне повеќе од еден метар снежна покривка во Бафало и на други региони во западниот дел на државата Њујорк.
Во округот Ири, што го опфаќа градот Бафало, прогласена е вонредна состојба и забрането е возење, освен во итни случаи.
Училиштата во Бафало ја откажаа наставата за над 32.000 ученици, а натпреварот во американски фудбал меѓу локалните Бафало Билс и Кливленд Браунс беше преместен во Детроит.
Подготвено од А.Ѓ.
About Author
