23.11.2022 Скопје
Портпарол на кинеското Министерство за надворешни работи, Жао Лиџијан изјави дека НАТО треба да остане во рамките на своите географски параметри, и не треба да се обидува да наметнува свои правила, или да се обидува да се прошири, па дури и да премине одредени граници.
Кинескиот министер Лиџијан, истакна дека НАТО ја надминува својата колективна одбранбена клаузула, и упати обвинувања за зголемување на бројот на интервенции вклучувајќи климатски промени, инфраструктура, технолошки иновации, синџири на снабдување, здравје и енергија.
Кинеското Министерство на овој начин одговори на изјавата на генералниот секретар на НАТО, Јенс Столтенберг, кој во посетата на Шпанија, изјави дека сојузниците го диверзифицираат своето снабдување, и додаде дека тоа е добро за безбедноста на НАТО.
Жао Лиџијан во својата изјава додаде дека развојот на глобалниот индустриски синџир на снабдување е резултат не само на законите на пазарот, туку и на деловни одлуки, и дека Кина успеа во последните години да развие здрава соработка заснована на принципите на еднаквост, во многу области и со компании и земји од различни региони, вклучувајќи и замји членки на НАТО.
Подготвено од М.Н.
About Author
