06.11.2022 Скопје
На врвот Пелистер, на планината Баба падна првиот снег за оваа сезона.
Денеска, според Управата за хидро-метеоролошки работи, времето низ државата ќе биде облачно и свежо со врнежи од дожд. Ќе дува умерен ветер од источен и североисточен правец, особено долж Повардарието каде претпладне ќе засилува. Минималната температура ќе биде во интервал од 6 до 14, а максималната ќе достигне од 12 до 16 степени.
Во Скопје облачно со врнежи од дожд, пообилни претпладне. Ќе дува умерен североисточен ветер. Минималната температура ќе се спушти до 11, а максималната ќе достигне 14 степени.
За споредба, минатата година првиот снег на Пелистер паднал речиси еден месец порано, односно на 8 октомври.
Подготвено од А.Ѓ.
About Author
