18.11.2022 Скопје
Меѓународниот монетарен фонд, во својата завршна изјава за економските изгледи на земјата, препорача Финска да продолжи со структурните реформи за да го поттикне долгорочниот раст.
Во соопштението се наведени структурните реформи како приоритет за поттикнување на долгорочниот раст, а на Финска и се советуваше да спроведе промени во системот за колективно договарање. За поддршката на вработеноста и продуктивноста, Меѓународниот монетарен фонд истакна дека договорите на високо ниво ќе постават поширока рамка.
Спомнувајќи ги другите структурни реформи за подобрување на вработеноста, продуктивноста и економската отпорност, Меѓународниот монетарен фонд повика да се продолжи со затворање на патиштата за предвремено пензионирање. Дополнително, бенефициите за работа и надвор од работа треба да се реформираат за да се намалат дестимулациите за работа, вклучително и за жените со одговорности за нега.
Годинава се очекува БДП да порасне за 2%. Сепак, според ММФ, предвидувањата за растот во 2023 година се околу нула, по што треба да се случи бавно закрепнување и враќање на растот нешто над 1%.
ММФ наведува дека дури и ако вкупниот раст на платите остана умерен, неодамнешните договори за плати во јавниот сектор создаваат растечки притисоци и ризикуваат да ја поткопаат надворешната конкурентност. Оваа година се очекува инфлацијата да порасне на 7%, но да се намали до 4,5% во 2023 година. Воедно, ММФ формулира дека растечкиот долг треба да се реши „со постепен, но добро дефиниран и добро комунициран среднорочен план за консолидација врз основа на мерките идентификувани во сеопфатните прегледи на трошоците и даноците“.
Предлогот на владата за зголемување на трошоците за истражување и развој на 4% беше поздравен. Но, даночните стимулации за истражување и развој треба да бидат насочени кон стартапи и мали и средни претпријатија каде што влијанието би било најсилно. ММФ, исто така, ја истакна важноста од привлекување на повеќе квалификувани странски работници на финскиот пазар на труд.
Подготвено од А.Ѓ.
About Author
