12.11.2022 Скопје
Премиерот на Косово, Албин Курти, изјави дека мирот и безбедноста на Европа го оспорува Србија, но и Русија, бидејќи тие имаат заеднички цели и на државите гледаат низ етнички објектив и дека двете држави не веруваат во вредноста на демократијата.
Премиерот Курти истакна дека Косово е подготвено да и подаде рака на Србија и да создаде добрососедски односи, но изрази сомневање дека Србија може да го стори истото, и додаде дека и по 11 години, односите со Србија воопшто не се подобри.
Србија во својата демократизација бара повеќе конфликти отколку соработка, постојат сомнежи за тоа дали Србија е демократска земја, се претпоставува дека таа е режим кој е предводен од Православната црква и под влијание на Русија, изјави премиерот на Косово.
Косово само бара добрососедски односи со Србија и подготвено е да и подаде рака на земјата што изврши геноцид врз Косово, доколку се подготвени да ја спуштат тупаницата, истакна Курти, и додаде дека доколку Србија не е подготвена да го признае Косово, европските земји треба да ја убедат што е можно побргу во спротивното.
Подготвено од М.Н.
About Author
