09.11.2022 Скопје
Крвна групата претставува класификација на крвта која се заснова на присуството или отсуството на наследени антигенски супстанци кои се составен дел на мембраната на еритроцитите. Овие антигени може да се од видот на белковини, јаглехидрати, гликобелковини или гликолипиди, и некои од овие антигени се исто така присутни на мембраните на некои други типови на клетки. Неколку од овие антигени од еритроцитите кои потекнуваат од еден алел заедно формираат систем од крвни групи.
Вашата крв се категоризира во една од овие групи: А+, А-, Б+, Б-, О-, О+, АБ+ и АБ-.
Тековните истражувања за крвната група посочуваат дека можеби е поважна отколку што мислиме, барем кога се проценува ризикот за одредени здравствени состојби, особено срцеви заболувања.
Буквите А, Б и О претставуваат различни форми на генот АБО, кој различно ги програмира нашите крвни зрнца за да формираат различни крвни групи. Ако имате крв од групата АБ, на пример, вашето тело е програмирано да произведува антигени А и Б на црвените крвни зрнца. Лицето со крвна група О не произведува никакви антигени. Се вели дека крвта е „позитивна“ или „негативна“ врз основа на тоа дали има протеини на црвените крвни зрнца. Ако вашата крв има протеини, вие сте Rh-позитивни.
Луѓето со крвна група О се сметаат за „универзални донатори“, затоа што нивната крв нема антигени или протеини, што значи дека секое тело ќе може да ја прифати во итен случај.
Според д-р Даглас Гугенхајм, хематолог од „Пен медисин“, луѓето со крвна група О може да се разболат од колера, на пример, додека луѓето со крвна група А или Б може да имаат поголема веројатност да доживеат проблеми со згрутчување на крвта. Иако нашата крв не може да биде во чекор со различните биолошки или вирусни закани кои се случуваат во реално време, таа може да го одрази она што се случило во минатото.
Според Американското здружение за срце, луѓето со крвна група А, Б или АБ имаат поголема веројатност да доживеат срцев удар или срцева слабост.
Иако зголемениот ризик е мал, групите А или Б имале 8 отсто поголем ризик од срцев удар и 10 отсто зголемен ризик од срцева слабост, според една голема студија, разликата во стапките на згрутчување на крвта е многу повисока, според Американското здружение за срце. Луѓето од истата студија со крвна група А и Б имале 51 отсто поголема веројатност да развијат длабока венска тромбоза и 47 отсто поголема веројатност да развијат белодробна емболија, што се тешки нарушувања на згрутчувањето на крвта, што исто така може да го зголеми ризикот од срцева слабост.
Според Гугенхајм, причината за овој зголемен ризик може да биде поврзана со воспаление што се случува во телата на луѓето со крвна група А, Б или АБ. Протеините присутни во крвта од групата А и Б може да предизвикаат поголема „блокада“ или „здебелување“ во вените и артериите, што доведува до зголемен ризик од згрутчување и срцеви заболувања.
Луѓето со крвна група О уживаат малку помал ризик од срцеви заболувања и згрутчување на крвта, но тие можат да бидат поподложни на хеморагии или нарушувања на крвавењето. Ова може да биде особено точно по породувањето, според студијата за постпородилна загуба на крв, која открила зголемен ризик кај жените со крвна група О.
Иако достапните истражувања покажуваат дека крвната група може да ја намали скалата во однос на нечиј ризик за развој на срцеви заболувања, големите фактори, како што се исхраната, вежбањето или дури и нивото на загадување на кое сте изложени во вашата заедница, се главни во одредувањето на здравјето на срцето.
Подготвено од А.Ѓ.
About Author
