02.11.2022 Скопје
Кога би сакале да ја избереме најзапоставената марка во рамките на Фолксваген Груп, тоа најверојатно ќе биде Сеат, па не е чудно што иднината на шпанската компанија се доведува во прашање.
И покрај тоа, шефот на Фолксваген смета дека Сеат има перспектива.
Неодамна беше забележан успех со лансирањето на брендот Купра, а паралелно понудата беше проширена и со кросовер модели, па шпанскиот бренд привлече помлада клиентела и влезе во помирен период.
Првиот човек на Фолксваген, Томас Шафер, изјави дека нема да го убиат Сеат. Воедно, додаде дека шпанскиот бренд е сигурно безбеден до 2028 или 2029 година, истакнувајќи дека тој игра важна улога во Европа, особено во Шпанија, Велика Британија и Австрија.
Шафер не крие дека иднината ја гледа во Купра, која значително побрзо ќе се движи по патот на електрификацијата.
Шпанскиот бренд Сеат сега е во непријатна ситуација. Ако опстане како масовен производител на автомобили, ќе се натпреварува со Шкода.
Подготвено од А.Ѓ.
About Author
