02.11.2022 Скопје
Град Скопје ги известува граѓаните и фирмите дека ќе пристапи кон присилна наплата кон оние кои не ги подмириле давачките за данок на имот за 2019 и 2020 година. Рокот што го постави е до 10 ноември.
Во соопштението за граѓаните стои дека Град Скопје ќе пристапи кон реализација на решенијата за забрана на користење на средства неплатени обврски кои не се подмирени по основ на данок на имот за 2019 и 2020 година.
Со цел да не се создадат дополнителни трошоци за обврзниците кои не ги платиле своите обврски, во постапка за присилна наплата, како и да се избегнат непотребни оптоварувања кои ќе произлезат од блокадите во банките, потребно е сите со неплатени обврски по основ на данок на имот за 2019 и 2020 година да ги подмират во најкраток можен рок, а најдоцна до 10.11.2022 година.
Град Скопје ги известува сите физички и правни лица дека може да проверат дали се подмирени обврските по основ на данок на имот за 2019 и 2020 година со регистрирање на апликацијата за даноци на интернет порталот на Град Скопје (www.skopje.gov.mk).
Подготвено од А.Ѓ.
About Author
