12.11.2022 Скопје
На конференцијата што ја одржа Асоцијацијата за е-трговија, донесен е заклучок дека, иако бројките и податоците покажуваат раст на е-трговијата во Македонија, сепак сè уште нашата земја е рангирана на дното споредено со европските земји, а и зад дел од земјите од регионот кај повеќето индикатори.
Претседателката на Асоцијацијата за е-банкарство, Нина Ангеловска, изјави дека во однос на навиките за користење на услугите од електронското банкарство, податоците покажуваат дека 31 процент од населението што користи интернет има е-банкарство, но тоа сепак не е доволно, државата е подобра само од соседните земји, додека 66 проценти од Европејците го користат интернетот за е-банкарство.
Клучните сознанија од извештајот кој е со наслов „Преглед на анализата на е-трговија (2022) во Република Северна Македонија и споредба со регионот и европските земји”, е дека Македонецот купува онлајн еднаш до двапати во 3 месеци, прави нарачки најчесто до 50 евра, а најмногу нарачува од домашни е-трговци, најмногу се купува облека онлајн, а најмалку мебел и храна.
Овој извештај беше презентиран од претседателката на Асоцијацијата на е-банкарство, Нина Ангеловска.
Подготвено од М.Н.
About Author
