13.11.2022 Скопје
Германскиот канцелар Олаф Шолц изјави дека дипломатско решение на војната во Украина во моментов е невозможно, а постапките на рускиот претседател Владимир Путин ги оддалечуваат страните од дијалог.
Шолц, исто така додаде дека се противи на прекин на огнот според руски услови, и истакна дека Русија мора да разбере дека идејата за мир заснован на диктатура не води никаде, односно дека не може едноставно да се нацрта области со маркер на картата и да се каже дека сега тоа е ваше.
Оваа убиствена војна во која сите живееме за жал се уште не е на повидок да се заврши, и тоа се поради Руските воени дејствија, бидејќи стојат на патот на се што претходно ги приближуваше преговорите, изјави Шолц.
Не треба да има диктаторски мир, мора да се најде поинакво решение за конечен прекин на војната, потенцираше германскиот канцелар Олаф Шолц и додаде дека тој самиот и многу други соработници неуморно работат за Русија поскоро да може да го разбере ова како основа за успешни мировни преговори.
Подготвено од М.Н.
About Author
