30.11.2022 Скопје
Во понеделникот заврши општата расправа на која власта и опозицијата ги изнесоа своите ставови, и според парламентарното мнозинство, проектираните буџетски ставки ќе овозможат економско заздравување и справување со последиците од енергетската криза, а од друга страна пак опозицијата смета дека станува збор за историски највисок, инфлаторен и расипнички буџет.
Од денес веќе ќе започне амандманската расправа по Предлог-буџетот за 2023 година, каде поднесени се вкупно 263 амандмани од кои 199 од опозициската ВМРО-ДПМНЕ. Во Предлог-буџетот за следната 2023 година, растот е проектиран на 2,9 отсто, а инфлацијата на 7,1 отсто.
Вкупните приходи за 2023 година се планирани на ниво од 282 милијарди денари и се повисоки за 14,8 проценти во однос на 2022 година, а расходите на ниво од 324,8 милијарди денари и тие се за 12,6 проценти повисоки во однос на 2022 година.
Буџетскиот дефицит е на ниво од 4,6 проценти од планираниот БДП, а за капиталните расходи се планирани 48,9 милијарди денари или за околу 52,3 отсто повисоко во однос на планот за 2022 година.
Подготвено од М.Н.
About Author
