25.10.2022 Скопје
Во понеделникот, Советот на ЕУ даде конечно одобрение за задолжително воведување на единствен полнач за мобилни телефони и други електронски уреди од 2024 година.
Јозеф Сикела, чешкиот министер за индустрија и трговија, чија земја моментално претседава со Советот на ЕУ, изјави дека веќе нема да има потреба да купуваме полнач секогаш кога купуваме нов мобилен телефон или сличен уред. Полначот кој е компатибилен со повеќе уреди ќе заштеди пари и време и ќе придонесе за намалување на е-отпадот.
Директивата за еден полнач го воведува USB-C како стандард за електронски уреди во Европската унија. Од 2024 година сите уреди како мобилни телефони, таблети, е-читачи, дигитални фотоапарати, конзоли за видео игри, слушалки ќе мора да бидат USB-C, што значи дека сите ќе можат да се полнат со ист полнач.
Со цел потрошувачите да знаат што точно купуваат, директивата воведува пиктограм што покажува дали се нуди полнач со новиот уред и етикета што укажува на ефикасноста на полнењето.
Директивата деновиве треба да биде објавена во Службениот весник на Европската Унија, а ќе стапи на сила 20 дена по тоа објавување. Новите правила ќе стапат на сила 24 месеци по нивното стапување во сила.
Дополнително, 40 месеци по стапувањето во сила на директивата, овие нови правила ќе важат за сите лаптопи, кои исто така ќе можат да се полнат со уникатен полнач.
Директивата, исто така, им дава на потрошувачите избор да купат нов уред со или без полнач, со што се заштедуваат пари и во исто време се намалува количината на електронски отпад поврзан со производството, транспортот и отстранувањето на полначите.
Четири години по стапувањето во сила на директивата, Комисијата ќе процени дали таквата посебна продажба треба да стане задолжителна.
Комисијата ќе работи на стандардизација на безжичното полнење за електронски уреди и интероперабилност врз основа на технолошки развој.
Подготвено од А.Ѓ.
About Author
