02.10.2022 Скопје
Денеска во Скопје ќе се одржи „Виз Ер Скопски маратон“. На маратонот ќе учествуваат 8.500 професионални и аматерски натпреварувачи од 47 држави.
Организаторите апелираат до жителите на главниот град масовно да излезат на улиците и да им дадат силна поддршка на учесниците.
Скопскиот маратон традиционално е во организација на Сојузот на спортови на Град Скопје, а и годинава се организира со поддршка со локалните власти, бројни спортски клубови и асоцијации, под покровителство на Град Скопје, Агенцијата за млади и спорт и Канцеларијата на Европската Унија.
Стартот на маратонот, полумаратонот, штафетната маратонска трка, како и трката на пет километри ќе биде во 8 часот пред Собранието, а целта на сите трки повторно ќе биде на Плоштадот „Македонија“.
Подготвено од А.Ѓ.
About Author
