11.10.2022 Скопје
Белата куќа соопшти дека во доцните часови, американскиот претседател Џо Бајден остварил телефонски разговор со претседателот на Украина, Володимир Зеленски, и му ветил дека ќе продолжи со континуираната воена поддршка која е потребна за одбраната на Украина од руската агресија, а ќе бидат донирани и напредни системи за воздушна одбрана.
Во разговорот американскиот претседател Џо Бајден, изразил длабоко сочувство за блиските на убиените и ранетите во овие жестоки напади, исто така, го подвлече неговиот тековен ангажман со сојузниците и партнерите, за Русија да плати висока цена и да се повика за одговорност за воените злосторства соопшти Белата куќа.
Откако зборуваше со претседателот на Украина, Володимир Зеленски, Бајден на Твитер напиша дека воздушната одбрана сега е приоритет, односно на прво место, во заедничката обрамбена соработка.
Подготвено од М.Н.
About Author
