FRANKFURT AM MAIN, GERMANY - OCTOBER 09: General view during the UEFA EURO 2024 qualifying round draw at Messe Frankfurt on October 09, 2022 in Frankfurt am Main, Germany. (Photo by Boris Streubel - UEFA/UEFA via Getty Images)
10.10.2022 Скопје
Фудбалската репрезентација на Македонија, денеска ги дозна противниците за квалификациите за ЕУРО 2024, а познат е и распоредот на натпревари.
Македонската репрезентација ќе игра во квалификациската група Ц заедно со Италија, Англија, Малта и Украина. Првите две селекции ќе одат на Европско првенство, и поради добиената исклучително тешка група, Македонската репрезентација ќе има тешка мисија за да стигне до едно од нив.
Квалификациите ќе почнат на 23.март и првата утакмица ќе се одигра на домашен терен против Малта. Првиот дуел со Англија ќе биде на 19.јуни на гостински терен а во септември ќе ја пречекаме Италија.
Македонската фудбалска репрезентација ќе има исклучително тежок крај на квалификациите, бидејќи на 17.ноември ќе играат со Италија во гости, а на 20.ноември ќе ја пречекаат репрезентацијата на Англија, како последна утакмица која ќе ја одиграат во последното коло.
Подготвено од М.Н.
About Author
