02.10.2022 Скопје
Мелничарите најавуваат дека до крајот на ноември, цената на лебот, брашното и печивата ќе се зголеми за најмалку 10 проценти. Причини за поскапувањето се скапата струја и растот на берзанските цени на пченицата.
Мелничарите бараат субвенции за електричната енергија или да бидат додадени на реулираниот пазар, нагласувајќи дека само така би се смирила ситуацијата и соодветно би се намалиле цените во корист на населението.
Претседателот на Групација на мелничко-пекарската индустрија во Стопанската комора истакна дека од огромна корист би биле и ноќните вишоци што ги продава ЕСМ, затоа што и онака 75 отсто од производството на пекарската индустрија се изведува во ноќните часови. Воедно, додаде и дека залихите на пченица кај приватните субјекти, силоси и мелници се на историски најмал минимум, што од намалената домашна жетва во 2022 година, што од неможноста на мелниците да набават пченица од увоз поради високата цена. Дополнително, проблем се и оперативните средства за набавка на лебно жито.
Подготвено од А.Ѓ.
About Author
