31.10.2022 Скопје
Јонас Гар Стоере, премиерот на Норвешка, на прес-конференција изјави дека Норвешка ќе ја стави својата војска на зголемено ниво на готовност од вторник бидејќи ја заострува безбедноста како одговор на војната во Украина.
Норвешка сега е најголемиот извозник на природен гас во Европската унија, со околу една четвртина од вкупниот увоз на ЕУ по падот на руските текови.
Премиерот на Норвешка истакна дека ова е најтешката безбедносна ситуација во последните неколку децении. Воедно, додаде дека нема индикации дека Русија го проширува своето војување во други земји, но зголемените тензии ја прават Норвешка поизложена на закани, разузнавачки операции и кампањи за влијание.
Министерот за одбрана Бјерн Арилд Грам изјави дека Вооружените сили ќе трошат помалку време за обука и повеќе време на оперативни задачи, а домашната стража, силите за брза мобилизација, ќе играат поактивна улога.
Генерал Еирик Кристоферсен, шефот на вооружените сили, изјави дека воздухопловните сили ја прекинале обуката во САД со своите борбени авиони Ф35, претпочитајќи да ги задржат во Норвешка.
Подготвено од А.Ѓ.
About Author
