31.10.2022 Скопје
Два дена откако коалицијата на екстремно десничарските политички движења, маргинални групи и Комунистичката партија одржаа протест во Прага, повторно на исто место се собраа десетици илјади Чеси за да протестираат против зголемениот популизам и екстремизам.
За разлика од протестот во петокот кога организаторите кои беа против Европската унија и НАТО повикаа на директни преговори со Москва за снабдување со гас, толпата на овие протести веејќи украински и НАТО знамиња, изразија поддршка за Украина во војната против Русија.
Владата на премиерот на Чешка, Петр Фиала, ги поддржа санкциите на ЕУ против Русија и зазема цврст став против инвазијата на Русија над Украина. Донесе и низа мерки, вклучително и финансиска помош за компаниите и ограничувања на цените на струјата за домаќинствата.
Подготвено од М.Н.
About Author
