14.10.2022 Скопје
Македонија за првпат во својата историја ќе биде домаќин на Европското сениорско првенство во екипен спорт, сето тоа благодарение на ракометот.
Од 4 до 20 ноември, покрај Љубљана, Цеље и Подгорица, и Скопје ќе биде домаќин на Европското првенство за жени.
Денеска, Ракометната федерација на Македонија организираше прес на кој претседателот на РФМ, Живко Мукаетов, повика на заедничка сплотеност во организацијата на шампионатот за да му покажеме на светот зошто ракометот е спорт број еден во Македонија.
Мукаетов истакна дека идејата е да бидеме тука сите заедно и да покажеме дека водиме грижа едни за други. Воедно, на престојното Европско првенство очекува поддршка од граѓаните на Македонија за девојчињата кои навистина ја заслужуваат.
Гордана Нацева, ЕХФ Амбасадорот на европското првенство, изјави дека е свесна колку голема работа се случува и што значи да се биде домаќин на европско. Воедно, ја поздрави РФМ за организацијата и смета дека се одржува во исклучително важен момент за женскиот ракомет. Нацева смета дека ова ќе биде голем мотив и силен импулс за сите, затоа што не секоја генерација иа чест да игра во својата земја на големо натпреварување.
Подготвено од А.Ѓ.
About Author
