17.10.2022 Скопје
Мирослав Лајчак, специјалниот претставник на ЕУ за дијалогот меѓу Белград и Приштина, денеска во Белград ќе разговара со претседателот на Србија, Александар Вучиќ. Главни теми на средбата треба да бидат енергетиката, прашањето за регистарските таблички и продолжувањето на бриселскиот дијалог на највисоко ниво.
Во петокот, Лајчак престојуваше во ненајавена посета на Приштина на двочасовна средба со премиерот на Косово, Албин Курти.
Денеска, Вучиќ и Лајчак за прв пат ќе се сретнат откако претседателот на Србија објави дека лидерите на Германија и Франција, Олаф Шолц и Емануел Макрон му понудиле предлог за Косово.
Според Вучиќ, суштината на предлогот е Србија, без формално признавање на независноста на Косово, да се согласи со влезот на Косово во сите меѓународни организации, вклучително и ОН, а за возврат да добие „брз влез во ЕУ и веројатно значителни економски придобивки“.
Подготвено од А.Ѓ.
About Author
