25.10.2022 Скопје
Весли Холман, поранешен експерт за стратешко планирање и политика во Генералштабот на САД, изјави дека Кина би можела да ги надмине САД како водечки светски извозник на оружје.
Според Холман, активниот развој на кинескиот извоз на оружје е причина за загриженост. Тој го истакна и незадоволството на многу земји од сложениот бирократски процес на преговори за продажба на оружје од страна на САД.
Холман истакна дека САД имаат строги ограничувања за трансфери на оружје трети земји, строги ограничувања за тоа каде и како може да се користи ова оружје, сепак смета дека ризикот од употреба на американско оружје спротивно на условите за продажба „секогаш останува“.
Според Стокхолмскиот меѓународен институт за мировни истражувања (СИПРИ), САД во периодот 2017-2021 г. сочинуваше 39% од светскиот извоз на оружје. Русија е на второ место со пазарен удел од 19% според СИПРИ, додека Кина е на четврто место со удел од 4,6%.
Американскиот дипломат Џејмс Холмс неодамна изјави дека САД и Кина влегле во „опасната зона“, реагирајќи на неодамнешниот говор на конгресменот Мајк Галагер по повод објавувањето на годишниот индекс на американската воена моќ.
Авторите на извештајот за прв пат оваа година признаа дека американската војска е послаба отколку што е потребно за извршување на борбени мисии во Западниот Пацифик.
Подготвено од А.Ѓ.
About Author
