20.10.2022 Скопје
Министерството за земјоделство, шумарство и водостопанство, ги информираше земјоделците дека Агенцијата за финансиска поддршка во земјоделството и руралниот развој-АФПЗРР, ја има реализирано исплатата по основ на дополнителни директни плаќања за градинарски и овошни култури, предадени во преработувачки капацитет.
Вкупно кон 3.942 производители на градинарски култури, кои своето производство го предале во преработувачки капацитет е исплатена финансиска поддршка од 230 милиони денари.
Исплатата за дополнителни директни плаќања од подмерката 1.7, за овошни култури предадени во преработувачки капацитет е извршена кон вкупно 178 производители на овошни култури, со исплатена финансиска поддршка од над 16 милиони денари.
Од министерството за земјоделство, шумарство и водостопанство, истакнаа дека посветено ќе продолжат да креираат мерки и политики за поддршка на земјоделците, за да имаат стабилно и квалитетно производство, и поголем принос на домашното производство предадено во домашни капацитети.
Подготвено од М.Н.
About Author
