26.10.2022 Скопје
Денеска, германската Влада го отвори патот кон легализација на канабисот, иако останува нејасно дали планот ќе помине на европско ниво.
Според планот, одобрен од Кабинетот на германскиот канцелар Олаф Шолц, канабисот и активната супстанција тетрахидроканабинол (THC) повеќе нема да бидат законски класифицирани како наркотици.
Купувањето и поседувањето до 30 грама канабис би било ослободено од казна, приватното одгледување би било дозволено во ограничен обем, а ќе биде можна и продажбата на возрасни лица во „лиценцирани специјализирани продавници” и евентуално во аптеки.
Сепак, европските правила за канабис би можеле да и застанат на патот на легализацијата во Германија.
Според планот одобрен од Кабинетот во Берлин, меѓународната правна рамка нуди ограничени опции за спроведување на проектот на коалицијата.
Во коалицискиот договор, централно-левичарската СПД на Шолц, Зелените и про-бизнис ФДП се согласија да воведат „контролирана дистрибуција на канабис до возрасни за потребите на потрошувачката во лиценцирани продавници”.
Подготвено од А.Ѓ.
About Author
