23.10.2022 Скопје
Последниот извештај на Евростат покажува дека буџетскиот дефицит во ЕУ и во еврозоната изразен со удел во БДП е благо намален во вториот квартал, благодарение на повисоките приходи, намалената потрошувачка и закрепнувањето на економиите по кризата со коронавирусот.
На ниво на ЕУ, сезонски прилагодениот буџетски дефицит изразен со удел во БДП изнесуваше 1,8 отсто во периодот од април до јуни, што е намалено од 2,3 отсто во првите три месеци од оваа година. Во еврозоната, пак, падна од 2,5 на 2,1 отсто. Во пролетта минатата година дефицитот беше 5,7 отсто во ЕУ и 6,4 отсто во еврозоната.
Во периодот од април до јуни, буџетските приходи бележат посилен раст од буџетската потрошувачка, а економската активност е забрзана во однос на почетокот на годината.
Споредбата со вториот квартал од минатата година покажува уште поизразено подобрување, кога буџетскиот дефицит изразен со удел во БДП на ниво на ЕУ изнесуваше 5,7 отсто, а во еврозоната 6,4 отсто.
Статистичарите забележуваат дека мерките за ублажување на последиците од пандемијата повторно влијаеле и на приходите и на потрошувачката во периодот од април до јуни, но помалку отколку во претходните квартали.
На ниво на ЕУ, сезонски прилагодените буџетски приходи изразени како дел од БДП изнесуваат 46,5 отсто. На почетокот на годината нивното учество во БДП изнесуваше 46,4 отсто.
Подготвено од А.Ѓ.
About Author
