17.09.2022 Скопје
Со соопштение од опозициската партија на РСМ, ВМРО-ДПМНЕ, се вели дека криминалот и тендерите од антимакедонската СДСМ ја имаат доведено државата во целосен колапс. Владата на СДСМ ќе треба да издвојат над 500 милиони евра за граѓаните и бизнис секторот да ја преживеат само оваа зима, но за жал буџетот е празен.
Доколку владата навремено набавеа или ископаа јаглен, РЕК Битола, Осломеј и ТЕЦ Неготино ќе можеа да работат во полн капацитет и до покачување на цената пред 2 месеци немаше да дојде. Од опозициската партија изјавија дека оваа енергетска криза за многу брзо време ќе прерасне и во економска криза и затоа во наредните 2 години за справување со последиците ќе бидат потребни над 2,5 милијарди евра бидејќи оваа влада е најнеспособната во историјата на државата. Антимакедонската СДСМ воопшто нема решение за мерки и кон стопанството за да можат да ја преживеат оваа година.
Граѓаните од ден на ден се се посиромашни, инфлацијата расте, а луѓето секој ден остануваат без работа бидејќи секојдневно се затвараат фабрики и компании.
Во соопштението од ВМРО – ДПМНЕ е наведено дека токму поради тоа потребни се предвремени парламентарни избори бидејќи секој ден економијата се повеќе тоне а со самото тоа и државата.
Подготвено од М. Н.
About Author
