30.09.2022 Скопје
Претседателот на Русија, Владимир Путин, ги објави резултатите од референдумите кои се одржаа во четирите украински региони, Доњецк, Запорожје, Керсон и Луганск и со соопштение пред целата нација кажа дека тие изгласале и одлучиле да се приклучат кон Руската Федерација.
Гласовите биле уредно пребројани, кажа Путин, и без никакво сомнение народот дефинитивно одлучил да се приклучи кон Руската Федерација. Ова е волја на милиони луѓе, денеска ќе потпишеме и договори за анексија, Русија сега има четири нови региони, изјавил Путин.
Рускиот претседател Владимир Путин кажа дека тоа е правото на народот, кое се наоѓа и во Повелбата на ОН, а потоа упати жалење и истовремено пофални зборови за сите херои кои загинаа во специјалната воена операција, тие се хероите на големата Русија рече Путин и им оддаде почит со едноминутно молчење.
Подготвено од М.Н.
About Author
