07.09.2022 Скопје
Поразот на Серена Вилијамс, во најверојатно последниот натпревар во нејзината блескава кариера, е најгледан тениски телевизиски пренос во 43-тата годишна историја на ЕСПН, објави денеска американската телевизиска мрежа.
Поразот на тенисерката Серена Вилијамс во третото коло од УС Опен, од австралиската тенисерка Ајла Томљановиќ, во просек го следеле 4,8 милиони гледачи, а максималната бројка достигнала 6,9 милиони гледачи.
Серена Вилијамс, која во кариерата освои 23 грен-слем титули, по подолга пауза се врати на тенискиот терен за настап на УС Опен, кој што предизвика голем интерес во спортската јавност.
Нејзините три натпревари во поединечна конкуренција и еден дуел во двојки во кој настапи со својата сестра Венус ја зголемила гледаноста во првите пет денови на грен-слемот во Њујорк во просек за 1,1 милион гледачи, што е раст за 101 отсто во однос на 2021 година, објавиле од ЕСПН.
Подготвено од М.Н.
About Author
