18.09.2022 Скопје
Организаторите на Октоберфест објавија дека околу 700 000 луѓе, и покрај студеното и дождливо време, го посетиле Октоберфест во првиот викенд од манифестацијата. Тоа е значително помалку од еден милион луѓе, бројот на посетители истиот ден во 2019 година, пред пандемијата на Ковид-19.
Во традиционални баварски носии беа облечени околу 9 000 луѓе, кои излегоа на улиците на Минхен како дел од традиционалната годишна парада. На парадата присуствуваа голем број на луѓе од цела Германија, а имаше и групи од САД и Канада. Исто така, на парадата присуствуваа и градоначалникот на Минхен, Дитер Рајтер, како и баварскиот премиер Маркус Зедер, кои беа придружувани од нивните сопруги.
Низ градот маршираа акробатски танчери, членови на планинарски друштва и членови на Градската гарда на Минхен. На почетокот на Октоберфест се одржа традиционалната поворка, која е долга седум километри и е најдолгата ваква поворка во светот.
Подготвено од А.Ѓ.
About Author
