26.09.2022 Скопје
Во време кога Европската Унија подготвува нови санкции против Москва поради војната во Украина, пет од 27-те земји-членки на блокот во заедничкиот предлог предложија Европската Унија да престане да увезува дијаманти од Русија.
Европската Унија има потреба од едногласност за да се договори каква било забрана што Белгија, дом на најголемиот светски трговски центар за дијаманти во Антверпен, ја отфрли во минатото.
Откако претседателот Владимир Путин нареди делумна воена мобилизација минатата недела и ги поддржи референдумите за отцепување на делови од источна Украина, блокот беше поттикнат на нова акција.
Оваа недела се очекува Европската Комисија да претстави формален предлог за повеќе санкции до земјите-членки.
Полска, Ирска, Литванија, Естонија и Летонија предложија да се воведе забрана за увоз на дијаманти од Русија, каде што Алроса е најголемиот светски производител на груби скапоцени камења.
Светскиот центар за дијаманти во Антверпен истакна дека санкциите ќе одземат околу 30% од деловните и ќе имаат корист од ривалските трговски центри, додавајќи дека на клиентите треба да им се дозволи сами да одлучат дали сакаат руски скапоцени камења.
Премиерот на Белгија, Александар де Кро, на Меѓународната конференција за дијаманти рече дека таквата забрана би била огромна загуба и ќе ѝ наштети на индустријата, која сочинува 5% од извозот на Белгија и поддржува околу 30.000 работни места.
Подготвено од А.Ѓ.
About Author
