13.08.2022 Скопје
Од 1 до 4 Септември 2022 година ќе се оддржи првиот меѓународен саем за вино „Винска визија на Отворен Балкан“ кој се организира под покровителство на владите на Србија, Северна Македонија и Албанија, како иницијатива на „Отворен Балкан“. Саемот на едно место ќе ги собере мајсторите на производството на најдобрите вина во регионот и ќе го промовираат Балканот како туристичка дестинација. Покрај земјите членки на Отворен Балкан, се очекуваат и изложувачи од Хрватска, Црна Гора, Франција, Чиле, Аргентина, Италија, Босна и Херцеговина и други земји.
Од Северна Македонија се очекува да присуствуваат 47 излагачи. За време на четиридневниот настан ќе се организира меѓународно оценување на виното, а оценувањето ќе го вршат 25 меѓународни вински судии од целиот свет. За време на саемот посетителите ќе имаат можност да посетат различни тематски дефинирани сали, да се едуцираат и да научат се што сакаат да дознаат за историјата и потеклото на виното, да го вкусат и да купат некои од најубавите вина на Балканскиот регион и светот. Идејата на оваа иницијатива е да обезбеди поголеми и подобри можности за трговија, размена на работници, студенти и знаење, како и поттикнување на понатамошна ЕУ интеграција, притоа промовирајќи ја богатата култура и традиција на трите земји. Владата на Република Србија го изрази своето задоволство што Србија е домаќин на овој голем меѓународен саем, што е уште еден доказ за важноста на иницијативата Отворен Балкан.
Подготвено од М.Н.
About Author
