20.08.2022 Скопје
САД во следните недели ќе купат 160.000 тони жито од Украина за гладните во светот, изјавил извршниот директор на Светската програма на ОН за храна, Дејвид Бисли.
Бисли додал дека таа пратка е една од неколкуте што Агенцијата на ОН ги планира и е шест пати поголема од првата пратка на украинско жито организирана од ОН на почетокот на руската инвазија врз Украина. ОН проценува дека 22 милиони луѓе во светот гладуваат и дека ситуацијата е особено тешка во Рогот на Африка.
Брод со околу 25.000 тони жито од Украина е на пат кон Африка и се очекува да пристигне во Џибути на крајот на Август, од каде житото ќе биде транспортирано по копнен пат до Етиопија.
Светската програма за храна на ОН и минатата година го имаше откупено половина од житото од Украина за да ги нахрани гладните луѓе во светот.
Подготвено од М.Н.
About Author
