08.08.2022 Скопје
Државната статистика за само еден месец измери драматично зголемување на трошоците за живот и малопродажните цени.
Трошоците, во јули во однос на јуни, се зголемени за 1,9 проценти, додека пак цените на мало скокнале за 2,5 проценти. Споредено со јули 2021 година, порастот е неколкукратно поголем, односно трошоците за живот од минатиот месец се поголеми за 16 проценти од минатата година овој период, а малопродажните цени за 14 проценти. Кај основните пренхранбени производи, лебот, млекото и млечните производи, има најголем пораст.
Пораст на трошоците за живот има и во авиотранспортот за 36 проценти, туристичките аранжмани за 11 проценти, електричната енергија за околу 10 проценти, како и угостителските услуги за 3 проценти. Воедно, пораст на трошоците за живот забележани се и кај фризерските услуги, услугите за домаќинства, како и кај цврстите горива.
Подготвено од А.Ѓ.
About Author
