24.07.2022 Скопје
Потпаролката на руското Министерство за надворешни работи, Марија Захарова, изјави дека руски проектили уништиле воена инфраструктура во украинското пристаниште Одеса.
По нападот на Одеса, град и пристаниште од витално значење за украинскиот извоз на жито, Украина го обвини рускиот претседател Владимир Путин дека им „плукнал во лице“ на ОН и Турција и го доведе во прашање спроведувањето на договорот потпишан во петокот за деблокирање на извозот на жито.
Во вчерашната изјава до Турција, Русија негира дека е вмешана во тие напади.
Според потпаролот на украинските воздухопловни сили, два проектили ја погодиле областа околу пристаништето Одеса, а уште два биле соборени од украинската воздушна одбрана пред да ја погодат целта.
Руските напади врз пристаништето Одеса ги осудија генералниот секретар на ОН и други западни претставници.
Подготвено од М.Н.
About Author
