16.07.2022 Скопје
При престојување во затворена просторија подолго време да се носат маски, канцелариите, занималните во градинките, сали за состаноци и слично, редовно да се проветруваат и дезинфицираат и да се избегнуваат непотребни собирања во поголеми групи. Ова се дел од препораките кои денес Министерството за здравство и Комисијата за заштита на населението од заразни болести ги упатија поради забележано зголемување на новите бројки на заразени од Ковид-19.
Препорачуваат доколку граѓаните почувствуваат некои од стандардните симптоми (сува кашлица, температура, болки во грло, болки во мускулите и слично) веднаш да побараат помош од матичен лекар и задолжително да носат маска.
Исто така се уште најефикасна заштита од развој на потешка форма на Ковид-19 и хоспитализација останува вакцината против Ковид-19. Се апелира да се прими и дополнителна, односно бустер доза за лицата кои имаат примено по две дози вакцини.
Од Комисијата за заразни болести и Министерството за здравство потсетуваат дека на сила се уште е обврската за носење маска во јавен превоз, здравствени установи, аптеки и домови за стари лица.
Подготвено од М.Н.
About Author
