16.07.2022 Скопје
Денешната одлука на Собранието за заклучоците за предлогот од Франција, на официјалната мрежа твитер упатија поздрави, Оливер Вархеји, Урсула фон дер Лајен и Шарл Мишел.
Еврокомесарот за проширување Вархеји напиша дека го поздравува гласањето во Собранието, што на Владата и дава чист мандат за почеток на првата Меѓувладина конференција базирана на предлогот од Франција.
Фон дер Лајен напиша дека ова е историска можност и Македонија не ја пропуштила, додека пак претседателот на Европскиот совет, Шарл Мишел порача дека денешното гласање го поплочи патот кон Меѓувладина конференција идната недела.
Воедно, во објавата на Мишел стои и дека ова е суштински чекор и за Република Северна Македонија и за Европската Унија, и ја чекаат Македонија со отворени раце, нагласувајќи дека иднината е заедничка.
Подготвено од М.Н.
About Author
