07.07.2022 Скопје
Претседателот на Република Северна Македонија, Стево Пендаровски, изјави дека неприфатливо е користење на насилство и потикнување на насилство во политички цели. Исто така, додаде дека настанот кој се случи вчера не смее да се повтори, бидејќи нема ништо позначајно од мирот и безбедноста на сите граѓани.
Пендаровски апелираше до сите организатори на протестите да превземат одговорност и нивното демократско право да протестираат да продолжат да го практикуваат достоинствено и без насилство, покрај тоа најостро го осуди носењето и користењето на огнено оружје од цивили кои не се припадници на органите за безбедност. Воедно, додаде и дека доколку вчера полицијата не реагираше навремено ќе се случеа поголеми судири и тоа ќе беше катастрофа за нашето демократско општество.
Пендаровски очекува сите лица кои беа инволвирани, да бидат приведени и санкционирани во најкус можен рок.
Подготвено од М.Н.
About Author
