17.07.2022 Скопје
Министерот за надворешни работи, Бујар Османи, и неговата колешка од Бугарија, Теодора Генчовска, денеска во Софија го потпишаа билатералниот протокол по состанокот на заедничката Меѓувладина комисија.
Покрај министерот Османи, во состав на македонската делегација се вицепремиерот за европски прашања, Бојан Маричиќ, министерката за култура, Бисера Костадиновска Стојчевска, министерот за економија, Крешник Бектеши, како и министерот за транспорт и врски, Благој Бочварски.
Откако вчера од страна на Владата по усвојувањето на заклучоците во македонското Собрание, предлогот од Франција беше одобрен, се закажа состанок на Меѓувладината комисија за потпишување на протоколот меѓу двете земји.
Според најавите, протоколот треба да биде јавно објавен после неговото потпишување.
Подготвено од М.Н.
About Author
