21.07.2022 Скопје
Со изјава се обрати Друштвото на писатели на Северна Македонија, по објавувањето на Унилатералната изјава за македонскиот јазик, и изјави дека македонскиот јазик има дијалекти, но нашиот македонски јазик не е никаков и ничиј дијалект.
Друштвото на писатели на Северна Македонија изјави и дека македонскиот писател и македонската книга се и ќе бидат и во иднина во центарот на вниманието на активистите, ќе се трудат да создаваат литературно творештво и тоа да биде со високи естетски вредности. Исто така, додадоа и дека треба да се залагаме за читањето на македонските автори и дела, бидејќи нивните творби и дела се траен влог, сведоштво и доказ за нашето минато, сегашноста и иднината.
Во изјавата стои и дека тоа е јазик на нашите татковци и мајки, на нашите предци и наследници, македонскиот јазик е еден и единствен и македонските писатели создаваат свои дела токму на тој јазик.
Подготвено од М.Н.
About Author
