03.07.2022 Скопје
Од „Ултиматум – НЕ благодарам“ најавија нов протест со почеток во 19:00 часот пред Владата на Република Северна Македонија.
Со повик до граѓаните уште помасовно и погласно да го искажат својот револт против францускиот предлог, со кој се прифаќаат сите бугарски услови.
Вчера, на протестот беа кажани пораки против предлогот и се апелираше тој да не се потпишува, а беа упатени и барања за оставки.
„Македонија е се што имаме и од неа никогаш и под никакви услови нема да се откажеме“ стои на пароли како порака до Владата дека предлогот од Франција е лош за македонскиот народ и македонските национални интереси.
Во петокот, исто така, имаше помал протест откако Владата на својата официјална страна го објави предлогот од Франција.
Подготвено од М.Н.
About Author
