09.07.2022 Скопје
До осум часот утрово, најмногу дожд наврнало во Куманово, каде се измерени 52 литра на метар квадратен, потоа на Попова Шапка 47 литра на метар квадратен и Тетово со 42 литра на метар квадратен.
УХМР за денес најавува претежно облачно и свежо со врнежи од дожд, кои на некои места ќе бидат обилни. Локално, врнежите ќе бидат поројни, проследени со грмежи и на некои места со појава на краткотраен град. Ќе дува умерен до засилен ветер од северен правец.
Максималната температура ќе достигне во интервал од 18 до 24 степени.
Во Скопје, претежно облачно и свежо со дожд, повремено обилни и поројни со засилен ветер од северен правец. Максималната температура ќе достигне до 19 степени.
Подготвено од М.Н.
About Author
