24.07.2022 Скопје
Пожарот што првично избувна во близина на Националниот парк во САД, прерасна во еден од најголемите пожари во Калифорнија.
Потпаролот на Националната шума Сиера, Даниел Патерсон, изјави дека е издадена наредба за евакуација на илјадници луѓе, кои живеат на неколку милји од ретко населената рурална област.
Поради пожарот затворени се и бројни патишта, вклучувајќи го и автопатот 140 помеѓу Карстенс Роуд и Олред Роуд, кој е еден од главните патишта во Јосемит.
Патерсон изјави дека повеќе од 400 пожарникари, помогнати од хеликоптери, авиони и булдожери се борат со огнената стихија во Сиера Невадам екстремно топлото време, ниската влажност и сувата вегетација, уништена од најтешката суша во последните децении, придонесоа за избувнување на пожарот.
Подготвено од М.Н.
About Author
