13.07.2022 Скопје
Власта ги повика пратениците од сите политички групи да имаат одговорност пред граѓаните и наместо со блокади, преку аргументи и конструктивност да дадат придонес при усвојувањето на заклучоците околу предлогот на француското претседателство.
Од партијата на власт соопштија дека членството во Европската Унија е стратешка цел на државата, пратениците во Собранието преку усвојувањето на заклучоците имаат шанса пред целата домашна и меѓународна јавност да докажат дали се навистина за интеграција во ЕУ или побитно им е да одработуваат за нечии туѓи интереси.
Опозициската партија во Република Северна Македонија се изјасни дека нема да го поддржи францускиот предлог и изјавија дека предлогот е на штета на македонските интереси и затоа тој треба да биде отфрлен, а не да се тераат пратениците од власта на сила да го гласаат предлогот. Воедно, од опозицијата додадоа дека власта треба да знае дека што и да сака да прави, Уставот нема да може да го смени.
Станува збор за 70 пратеници од власта и од опозицијата за кои е извесно дека ќе го поддржат предлогот, а неизвесно е за четворица пратеници за кои е спорно дека во документите кои Владата ги пратила до Собранието го нема билатералниот протокол и кои како што веќе се изјаснија, бараат промена во преговарачката рамка.
Подготвено од М.Н.
About Author
