13.07.2022 Скопје
Министерката за труд и социјална политика, Јованка Тренчевска изјави дека новата методологија за платите ќе биде до крајот на оваа година, а ќе почне да се применува од почетокот на следната година. Тренчевска додаде и дека социјалниот дијалог е отворен и со новата методологија и со Законот за плати ќе растат платите во јавниот сектор.
Во однос на исплатата на регресот за годишен одмор, министерката посочи дека К-15 треба да биде исплатен до крајот на годинава и секоја институција во рамки на својот буџет треба да направи пресметки и исплата согласно гранскиот колективен договор со УПОЗ.
Парите се во рамки на секое министерство, а правото на исплата на регрес за годишен одмор најчесто се исплатува до крајот на годината, така што секоја институција внатре во својот буџет ќе си направи релокација и ќе ги исплати потребните средства.
Подготвено од М.Н.
About Author
