15.07.2022 Скопје
Главни теми за разговор меѓу американскиот претседател, Џо Бајден, и Кралот на Саудиска Арабија, Салман бин Абдулазиз и престолонаследникот Мохамед бин Салман, ќе бидат снабдувањето со енергија, човековите права и безбедносната соработка.
Советниците на Белата куќа не појаснија дали Бајден ќе се ракува со принцот, кој де-факто е владетел на кралството.
Американскиот претседател ќе оствари средба и со голем број арапски лидери на Самитот во Џеда. Бајден ќе биде првиот американски претседател што ќе лета од Израел директно во Џеда, и нема да избегнува да зборува за човековите права кога ќе ја посети Саудиска Арабија.
Енергетските и безбедносните интереси ја натераа американската администрација, да не ја изолираат Саудиска Арабија, најголемиот светски извозник на нафта кога земјата ги зајакнува врските со Русија и Кина, а во околности кога кај земјите од Заливот доминира загриженост поради наводното повлекување на САД од регионот.
За време на престојот во Саудиска Арабија, Бајден ќе истакне пораки за поддршка на мирот, а во неговата посета на Израел, Бајден и премиерот Јаир Лапид, потпишаа заедничка декларација со која се обврзаа да го оневозможат Иран да произведе нуклеарно оружје.
Подготвено од М.Н.
About Author
